[Hartford] 2007 Mini 125S

nofxhuan

在07年3月台灣奇士車隊率先向 iBike提供了Hartford Mini 125S台灣本土版的試騎感受，對Mini 125S有興趣的新來朋友記得重溫。
Hartford電單車的香港總經銷最近由翔利車行有限公司奪得。外型趣緻的Mini 125 S當然被翔利第一時間引入香港啦。舉凡是容易駕駛的好車，都會被教車師傅採用為學員車。Hartford Mini 125 S也不例外，全方位駕駛馬上購入兩臺全新Mini125 S用作棍波學員學習之用。現在新車特價賣HK$22,800再送一年牌費，平到唔想上會供。

留意台灣版本的Mini 125 S是採用四前速波箱，而經翔利車行有限公司的來港型號則是採用五前速波箱，令動力調佈發放更細緻更平均。

思思試騎感受：
係「全方位駕駛」見到呢架 Mini 125 S 時，覺得呢架細細?車仔何來有125cc呀? 就算唔止50cc，最多都只係得90cc?玩樂電單車仔？當我從 Ken Sir 手中接過車匙之後，心中估計車仔細細應該所有野都係意料中事。
當發動車子起步之後，才發覺 Mini125 S另外的一面。起步相當有力，完全同佢?外形成反比。低速扭力絕不容輕視。回個神之後上二波再上三波，第二個驚喜又再度湧現。Mini 125 S靈活?操控令我多年駕駛電單車?技術得以充分發揮。佢?動作完全依照我意思去執行，冇半點唔服從。由於它的輪距比較短，因此轉向距離亦較細。以前打8字要用兩條行車線，而家我騎住Mini 125S，只用一條線已經可以完成考牌?指定動作。

試完Mini 125 S打8字?威力，再試埋佢係馬路上?表現。唔好講咁多，一於就上去高速公路考驗下佢！轉過靚彎上觀塘繞道，果度出名車又快又多大車。我都好小心咁係慢線行走。原本諗住d大貨車、大巴士呀一定會將我連人帶車揚幾下....點知呢d情景完全冇出現到。Mini  125 S係高速公路?表現又再一次令我感到驚訝。 行車唔算飄，大車在我身旁經過時都冇被氣流影響而偏離行車線。

Mini 125 S好多優勝?地方，例如它的五前速波箱。一波0-40km/h，二波40-60km/h，三波60-80km/h，四波80-90km/h，五波90-110km/h。高速巡航表現合格，扭力發放合格！千萬別被Mini 125S細小的外表，而低估它的實力。
可能用上120mm輪胎，所以Mini 125 S頗為咬地。過彎?信心亦因此大增。上斜表現在125級別中算係幾好力，落斜順風時更可以去到115km/h。

學緊車?朋友或係剛拿到牌?新騎士們，當然唔會將Mini 125 S去到咁盡。但係它靈活?操控，低扭?起步能力，再加上短輪距和唔容易死火的優點，都係學牌和新牌能充分感受到的貼心優點。

hogzq

好车，像本田Ape100